१३ कात्तिक, काठमाडौं । भारतमा कोरोना भाइरस (कोभिड–१९) बाट संक्रमित हुने मानिसको संख्या ८० लाख नाघेको छ । भारतको स्वास्थ्य मन्त्रालयले सार्वजनिक गरेको तथ्यांक अनुसार अहिलेसम्म भारतमा कोरोनाबाट संक्रमित हुनेको संख्या ८० लाख ४० हजार २०३ पुगेको छ ।
पछिल्लो २४ घण्टामा मात्र भारतमा कोरोनाका ४९ हजार ८८१ नयाँ संक्रमित थपिएका हुन् ।
त्यस्तै भारतमा कोरोनाबाट मृत्यु हुनेको संख्या पनि एक लाख २० हजार ५२७ पुगेको छ । पछिल्लो २४ घण्टामा मात्र भारतमा कोरोनाबाट ५१७ जनाको मृत्यु भएको हो ।
अहिलेसम्म भारतमा कोरोनाका ७३ लाख १५ हजारभन्दा धेरै संक्रमित निको भइसकेका छन् । कोरोनाबाट सबैभन्दा धेरै प्रभावित बनेको अमेरिकामा अहिलेसम्म ८८ लाखभन्दा धेरै संक्रमित फेला परिसकेका छन् ।
अमेरिकामा कोरोनाबाट मृत्यु हुनेको संख्या पनि दुई लाख २७ हजार नाघेको छ । ब्राजिलमा अहिलेसम्म कोरोनाबाट मृत्यु हुनेको संख्या एक लाख ५८ हजार नाघेको छ ।
