कोरोना संक्रमणबाट बागलुङका ७२ वर्षीय पुरुषको मृत्यु

१३ कात्तिक, पोखरा । कोरोना भाइरस संक्रमणका कारण बागलुङका ७२ वर्षका पुरुषको मृत्यु भएको छ ।

पोखरा स्वास्थ्य विज्ञान प्रतिष्ठानको कोभिड १९ उपचार केन्द्रमा उनको बिहीबार साँझ ५ बजेर ५ मिनेट जाँदा मृत्यु भएको प्रतिष्ठानका निर्देशक डा. अर्जुन आचार्यले जानकारी दिए ।

कात्तिक ८ गते संक्रमण पुष्टि भएपछि उपचारका लागि भर्ना भएका उनमा निमोनिया र हाइपरटेन्सनको बिरामी थिए ।