१४ कात्तिक, गुल्मी । गुल्मीमा ६ सय ३३ जनाले कोरोना जितेर घर फर्केका छन् ।
जिल्लामा कुल संक्रमित ६ सय ९९ मध्ये ६ सय ३३ जना कोरोना मुक्त भएर घर फर्केको जिल्ला स्वास्थ्य कार्यालय गुल्मीका सूचना अधिकारी पशुपति आचार्यले जानकारी दिए ।
जिल्लामा हाल ५८ जना मात्रै कोरोना संक्रमित उपचारत रहेको स्वास्थ्य कार्यालय गुल्मीले जनाएको छ । आइसोलेसनमा राखेर संक्रमितहरुको उपचार भइरहेको छ ।
कोरोना संक्रमणबाट गुल्मी जिल्लामा ८ जनाको मृत्यु भएको जिल्ला स्वास्थ्य कार्यालय गुल्मीले जनाएको छ ।
जिल्लामा हाल भने क्वारेन्टिनमा बस्नेहरुको संख्या शून्य छ । जिल्लाभर ७९० वटा बेड क्वारेन्टिन निर्माण गरिएको छ ।
कोरोना संक्रमितको उपचार गर्न १४५ वेडको आइसोलेन तयार गरिएको जिल्ला स्वास्थ्य कार्यालय गुल्मीले जनाएको छ ।
