Comments Add Comment

टाइगरसँग ताराको जोडी

चलचित्र ‘हिरोपन्ती’मा काम गरेपछि नायिका कृती सेननको करिअर चम्किएको थियो । अब, यो चलचित्रको सिरिज निर्माण हुँदैछ । डिसेम्बर महिनाबाट नायक टाइगर श्राफले यो चलचित्रको छायांकन सुरु गर्दैछन् ।

चलचित्रको छायांकन सुरु हुनुभन्दा २ महिना अगाडि यसको निर्माणपक्षले चलचित्रका लागि नायिका पक्का गरेको छ ।

चलचित्र ‘हिरोपन्ती २’मा नायिकाको रुपमा तारा सुतरियालाई फाइनल गरिएको हो । ‘स्टूडेन्ट अफ दि इयर्स २’ डेब्यू नायिकाले चलचित्रमा टाइगरसँग रोमान्स गर्नेछिन् ।

साजिद नाडियाडवालाको निर्माणमा बन्न लागेको यो चलचित्रलाई अमेद खानले निर्देशन गर्दैछन् । ताराले साजिदकै निर्माणमा बन्न लागेको नयाँ चलचित्रमा पनि काम गर्ने पक्का भैसकेको छ । चलचित्रको कथामा तारा फिट भएपछि निर्माणपक्षले उनीसँग संझौता गरेको भारतीय मिडियाले जानकारी दिएका छन् ।

ताराले ‘स्टूडेन्ट अफ दि इयर्स २’मा पनि नायक टाइगर श्राफसँग नै काम गरेकी थिइन् । २ बर्षपछि यी दुइको जोडी फेरि पनि पर्दामा देखिन लागेको हो । यो चलचित्रमा टाइगरको एक्सनलाई नयाँ तरिकाले खिचिने बताइएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment