१८ कात्तिक, काठमाडौं । नेपालका लागि बंगलादेशी राजदूत सलाहुद्धीन नोमन चौधरी बुधबार काठमाडौं आइपुग्ने भएका छन् । केही हप्ता पहिले बंगलादेश सरकारले उनलाई नेपालका लागि राजदूत नियुक्त गरेको थियो ।
उनी चार्टर्ड विमानमार्फत काठमाडौ ओेर्लने कार्यक्रम रहेको छ । काठमाडौँ आएपछि १४ दिन क्वारेन्टिनमा बसेर उनले राष्ट्रपति विद्यादेवी भण्डारीलाई ओहदाको प्रमाणपत्र बुझाउने कार्यक्रम रहेको छ । काठमाडौं आउनुअघि यसै हप्ता उनले राष्ट्रपति अब्दुल हमिदसँग भेटघाट गरेका थिए ।
सो भेटघाटका क्रममा राष्ट्रपतिले व्यापार र लगानीको सम्बन्धमा नेपालमा ठूलो अवसर भएकाले त्यसको प्रवर्द्धनको लागि काम गर्न निर्देशन दिएका थिए । साथै उनले दुई देशको सम्बन्धलाई प्रभावकारी रुपमा अगाडि बढाउन पनि निर्देशन दिएका थिए ।
बंगलादेशले नेपाललाई मल पैंचोमा दिने सम्बन्धमा विभिन्न समस्या भइरहेको समयमा नयाँ राजदूत आएपछि प्रक्रिया अगाडि बढाउन सहज हुने बताइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4