Comments Add Comment

बर्दघाटका कोरोना स‌ंक्रमित पुरूषको बुटवलमा मृत्यु

२१ कात्तिक, बुटवल । नवलपरासीको बर्दघाटका कोरोना संक्रमित एक पुरुषको उपचारको क्रममा कोरोना अस्पताल बुटवलमा मृत्यु भएको छ । अस्पतालका अनुसार बर्दघाट नगरपालिका-१ का ४७ वर्षीय पुरुषको उपचारको क्रममा बिहीबार राति मृत्यु भएको हो ।

११ कात्तिकमा कोरोना संक्रमण पुष्टि भएपछि त्यसको भोलिपल्ट अस्पताल भर्ना भएका उनको मृत्यु भएको अस्पतालका प्रवक्ता डा.विष्णु गौतमले पुष्टि गरे । संक्रमित पुरुष मधुमेह,उच्चरक्तचाप र पित्तथैलीसम्बन्धी दीर्घ रोगी रहेका थिए ।

योसँगै नवलपरासीमा कोरोना संक्रमणबाट मृत्यु हुनेकोे संख्या १६ र लुम्बिनी प्रदेशमा १९१ पुगेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment