बलिउड नायक अजय देवगणले ७ बर्ष अगाडि नायक अमिताभ बच्चनसँग चलचित्र ‘सत्याग्रह’मा एकसाथ काम गरेका थिए । अब, ७ बर्षपछि अजय र अमिताभ फेरि एकसाथ पर्दामा देखिने भएका छन् ।
नायक अजय देवगणले निर्देशन गर्न लागेको चलचित्र ‘मइड’मा नायक अमिताभ बच्चनले काम गर्ने पक्का भएको छ । चलचित्रमा अजयले पायलटको भूमिका निर्वाह गर्नेछन् । यो चलचित्रको छायांकन डिसेम्बरबाट हैदारबादमा गरिनेछ ।
अजय र अमिताभले चलचित्र ‘मेजर साब, खाकी र सत्याग्रह’मा एकसाथ काम गरेका थिए । अजयले यस अगाडी चलचित्र ‘शिवाय’को निर्देशन गरेका थिए । अजय अहिले चलचित्र ‘भुजः दि प्राइड अफ इन्डिया’को छायांकन गरिरहेका छन् ।
