२ मंसिर, काठमाडौं । कोरोना भाइरस (कोभिड–१९) को संक्रमणबाट थप १६ जनाको मृत्यु भएको छ ।
काठमाडौंका ५ जना, भक्तपुरका २ जना तथा मकवानपुर, धादिङ, चितवन, मोरङ, बारा, पर्सा, गोरखा, बाँके र कञ्चनपुरका एक/एक जनाको मृत्यु भएको सामाजिक विकास मन्त्रालय तथा सम्बन्धित अस्पतालहरुले जनाएका छन् ।
- काठमाडौंकी ८० वर्षीया महिलाको मंगलबार मृत्यु भएको छ । श्वासप्रश्वासमा समस्या भएपछि १ मंसिरमा अस्पताल भर्ना भएको उनलाई सोही दिन कोरोना संक्रमण पुष्टि भएको थियो । उनमा मिर्गौलामा सम्बन्धी रोग र कोलस्ट्रोलको समस्या पनि थियो ।
- काठमाडौंका ७२ वर्षीय पुरुषको सोमबार मृत्यु भधएको छ । निमोनिया भएर २८ कात्तिकमा अस्पताल भर्ना भएका उनलाई कोरोना संक्रमण भएको १ मंसिरमा मात्र पुष्टि भएको थियो ।
- काठमाडौंका ७३ वर्षीय पुरुषको सोमबार मृत्यु भएको छ । २४ कात्तिकमा कोरोना संक्रमण पुष्टि भएका उनी मुटुसम्बन्धी समस्या देखिएपछि ३० ते अस्पताल भनर्जा भएका थिए । उनी मधुमेह र मिर्गौलासम्बन्धी रोगका बिरामी समेत थिए ।
- काठमाडौंकी ७३ वर्षीया महिलाको ३० कात्तिकमा मृत्यु भएको छ । निमोनिया भएर २५ कात्तिकमा अस्पताल भर्ना भएकी उनलाई २७ गते कोरोना संक्रमण पुष्टि भएको थियो ।
- काठमाडौंका ७२ वर्षीय पुरुषको ३० कात्तिकमा मृत्यु भएको छ । उनी निमोनिया र श्वासप्रश्वासमा समस्या भएर २७ गते अस्पताल भर्ना भएका थिए ।
- भक्तपुरकी ७७ वर्षीया महिलाको सोमबार मृत्यु भएको छ । उनलाई २२ कात्तिकमा कोरोना संक्रमण पुष्टि भएको थियो भने निमोनिया र मुटुसम्बन्धी समस्या आएर २३ गते अस्पताल भर्ना भएकी थिइन् ।
- ३० कात्तिकमा मृत्यु भएका भक्तपुरका ८४ वर्षीय पुरुषमा कोरोना संक्रमण पुष्टि भएको छ । उनी निमोनिया भएर २९ कात्तिकमा अस्पताल भर्ना भएका थिए भने १ मंसिरमा कोरोना पोजेटिभ रहेको रिपोर्ट आएको थियो ।
- मकवानपुरका ४८ वर्षीय पुरुषको सोमबार मृत्यु भएको छ । उनी निमोनिया र श्वासप्रश्वासमा समस्या भएर १ मंपरिमा अस्पताल भर्ना भएका थिए भने सोही दिन कोरोना संक्रमण पुष्टि भएको थियो । उनलाई अन्य रोग थिएन ।
- धादिङका ६४ वर्षीय पुरुषको सोमबार मृत्यु भएको छ । मिर्गौलासम्बन्धी रोग भएका उनी निमोनिया र श्वासप्रश्वाससम्बन्धी समस्या लिएर १७ कात्तिकमा अस्पताल भर्ना भएका थिए ।
- भरतपुर महानगरपालिका–३, चितवनका ८१ बर्षीय पुरूषको मंगलबार भरतपुर अस्पतालमा मृत्यु भएको छ । उनी ज्वरो, खोकी र श्वासप्रश्वासमा समस्या भएपछि २८ कात्तिकमा अस्पताल भर्ना भएका थिए ।
- मिक्लाजुङ, मोरङकी ७५ वर्षीया महिलाको बीपी कोइराला स्वास्थ्य विज्ञान प्रतिष्ठान, धरानमा मृत्यु भएको छ । ८ कात्तिकमा कोरोना संक्रमण पुष्टि भएकी उनलाई सोही दिन अस्पताल भर्ना गरिएको थियो ।
- बारागढी गाउँपालिका–२, बाराका ७६ वर्षीयको मंगलबार मृत्यु भएको छ । २७ कात्तिकमा कोरोन संक्रमण पुष्टि भएका उनइ नेशनल मेडिकल कलेजको होटल आइसोलसनमा भर्ना भएका थिए । उनमा् दम र मिर्गौलासम्बन्धी रोग थियो ।
- वीरगञ्ज महानगरपालिका–१५, पर्साकी ६५ वर्षीया महिलाको कोरोना संक्रमणबाट मृत्यु भएको छ ।
- पालुङटार नगरपालिका–७, गोरखाका ८३ वर्षीय पुरुषको मंगलबार गोरखा अस्पतालमा मृत्यु भएको छ । दुई हप्ता अघि कोरोना संक्रमण पुष्टि भएका उनी २७ कात्तिकमा अस्पताल भर्ना भएका थिए । उनी फोक्सोको क्यान्सरका बिरामी पनि थिए ।
- कोहलपुर नगरपालिका–५, बाँकेका ५८ वर्षीय पुरुषको मंगलबार मृत्यु भएको छ । ३० कात्तिकमा कोरोना संक्रमण पुष्टि भएका उनी श्वासप्रश्वासमा समस्या भएपछि नेपालगञ्ज मेडिकल कलेजमा भर्ना भएका थिए । निमोनिया भएका उनलाई मंगलबार थप उपचारका लागि भेरी अस्पताल लैजाने क्रममा बाटैमा मृत्यु भएको छ ।
- भीमदत्त नगरपालिका–५, कञ्चनपुरका ७४ वर्षीय पुरुषको सोमबार भेरी अस्पतालमा मृत्यु भएको छ । महाकाली अस्पतालबाट रिफर भएर भेरी आएका उनलाई कोरोना संक्रमण भएको २३ कात्तिकमा पुष्टि भएको थियो ।
