गायक किरण भुजेल र गायिका एलिना चौहानको स्वरमा फरक शैलीको गीत ‘कान्छी मट्याङ ट्याङ’ सार्वजनिक भएको छ । किरण भुजेलकै प्रस्तुतिमा तयार भएको गीतमा नेपासिनेले सहकार्य गरेको छ । गीतमा सुनिल कटुवालको शब्द, प्रेम घिमिरेको संगीत छ । यो गीतको भिडियोलाई विधान कार्कीले निर्देशन गरेका हुन् । विधानले निर्देशन गरेका पछिल्ला भिडियोहरु चर्चामा छन् ।
भिडियोमा मनिषा थापाको कोरियोग्राफी, विकास दाहालको सम्पादन, उत्सव दाहालको छायांकन छ । यो गीतको भिडियोमा गायक किरण भुजेल, गायिका एलिना चौहानको साथमा मोडलहरु श्रेया सिटौला, अजय श्रीज, सुनिल कटुवालको अभिनय हेर्न सकिन्छ ।
भिडियोमा विधानले कलाकारलाई स्कुले जीवनमा फर्काएका छन् । स्कुले जीवनमा हुने चञ्चलता, प्रेमको कुरा भिडियोमा हेर्न सकिन्छ ।
