Comments Add Comment

सुनचाँदी व्यवसायी महासंघको महाअधिवेशन शुक्रबारदेखि काठमाडौंमा

२२ पुस, काठमाडौं । नेपाल सुनचाँदी व्यवसायी महासंघको आठौ बाषिर्क साधारणसभा एवं तेस्रो महाअधिवेशन शुक्रबारदेखि काठमाठौंमा सुरु हुने भएको छ । शुक्रबार काठमाडौंको होटल याक एण्ड यतिमा उद्घाटन सत्र हुने र शनिबार बन्द सत्र तथा निर्वाचनको कार्यक्रम रहेको महासघंले जनाएको छ ।

महाअधिवेशन देशभरका ६५ जिल्ला र नगर संघ तथा वस्तुगत र एसोसिएट सदस्यहरु, प्रतिनिधि तथा पर्यवेक्षकहरुले सहभागिता जनाउने महासंघका प्रवक्ता मनोज कुमार शाहले जानकार दिए । निर्वाचनले ५५ सदस्यीय नयाँ कार्य समिति चयन गर्ने उनको भनाई छ । संघीय संरचनालाई आत्मसाथ गर्दै महासंघले सात वटै प्रदेशमा प्रदेश महासंघ गठन गरेर प्रदेश महासंघहरुको निर्वाचन समेत सम्पन्न गरिसकेको प्रवक्ता शाहले बताए ।

कोरोना महामारीका कारण सरकारबाट सुनको कोटालाई २० किलोबाट १० किलोमा झारी आधा कटौती गरेपछि अत्यधिक रुपमा प्रभावित बनेको सुनचाँदी व्यवसायलाई पूर्ववत् अवस्थामा र्फकाउने विषय महाधिवेसनको साझा अजेन्डा रहेको महासंघले जनाएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment