५ माघ, काठमाडौं । रविभवनमा रहेको सोल्टी सिटी अपार्टमेन्टमा आगलागी भएको छ । सोमबार दिउँसो एक्कासी आगलागी भएपछि प्रहरीले कोठामा रहेका मानिसहरुको उद्दार गरेको थियो ।
हालै आगो नियन्त्रणमा आएको काठमाडौं प्रहरीका डीएसपी प्रमेश विष्टले अनलाइनखबरलाई बताए । उनका अनुसार काठमाडौं, ललितपुर महानगरपालिकासहितका दमकलको सहयोगमा आगो नियन्त्रणमा आएको हो ।
आगलागी भएपछि विभिन्न तलामा रहेका मानिसहरुले कराउँदै सहयोग मागेका थिए । प्रारिम्भक अनुसन्धानमा विद्युत् सर्ट भइ आगलागी भएको हुनसक्ने आशंका गरिएको छ ।
