१४ माघ, सुर्खेत । जुम्लाको तिला गाउँपालिका-७, पोखरीस्थित गोठीगाउँमा मंगलबार बेलुकी भएको भीषण आगलागीबाट ३२ घर र ७० पशु चौपाया जलेर नष्ट भएका छन् ।
आगलागीबाट ३२ घर जल्नुका साथै १७ गाई, २३ गोरु र ३० बाख्राको मुत्यु भएको कर्णाली प्रदेश प्रहरी कार्यालय सुर्खेतले जनाएको छ । आगलागीबाट मानवीय क्षति भने भएको छैन ।
स्थानीय परबहादुर रोकायको घरमा खाना पकाउने चुलोको पाइपबाट आगोको झिल्का निस्केर छानामा सल्किएको प्रदेश प्रहरी कार्यालयले जनाएको छ ।
नेपाल प्रहरी, सशस्त्र प्रहरी र स्थानीय वासिन्दाको सहयोगमा आगो पूर्णरुपले नियन्त्रणमा आएको जिल्ला प्रहरी कार्यालय जुम्लाका प्रमुख डीएसपी माधवप्रसाद काफ्लेले जानकारी दिए ।
आगलागीबाट करिब तीन करोड रुपैयाँ बराबरको क्षति भएको अनुमान गरिएपनि पूर्ण विवरण भने आइनपुगेको डीएसपी काफलेले बताए ।
सडक नपुगेको ठाउँ, भिरालो बस्ती र घरमा तलदेखि माथिसम्म एकैपटक आगलागी हुँदा समयमा नियन्त्रणमा लिन कठिन भएको र धेरै धनमालको क्षति भएको प्रहरीको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4