काठमाडौं । आम रुपमा विद्यार्थीहरुले विद्यालयमा औपचारिक शिक्षा तथा सीपमूलक शिक्षा समेत प्राप्त गर्दछन् । तर चीनमा एउटा यस्तो स्कुल छ जहाँ विद्यार्थीहरुलाई प्रेम सम्बन्ध कसरी कायम गर्ने तथा कसरी प्रभावकारी डेटिङ जाने भन्ने विषयमा सिकाइन्छ ।
चीनको उक्त डेटिङ स्कुलमा विद्यार्थीहरुलाई प्रभावकारी डेटिङको शिक्षा तथा सुविधा प्राप्त हुन्छ ।
चीनमा विगतको एक सन्तान नीतिका कारण त्यहाँको लैंगिक अनुपात निकै खल्बलिएको छ । केटाहरुका लागि बिहे गर्न केटी पाउनसमेत हम्मेहम्मे पर्दछ ।
अर्थात् डेटिङका लागि कुनै युवती पट्याउनका लागि चिनियाँ युवाहरुले निकै कसरत गर्नु पर्दछ । त्यसैले चीनमा डेटिङ स्कुल मात्र होइन डेटिङ सम्बन्धी ट्युसनको व्यापार समेत निकै चम्किएको छ ।
एक रिपोर्ट अनुसार बेइजिङमा लभ इनर्जी नामबाट उक्त डेटिङ स्कुल खुलेको छ । त्यहाँ डेटिङलाई एक नृत्यकलाकै रुपमा लिएर सिकाइन्छ ।
उक्त स्कूलमा विद्यार्थीहरुले अनलाइनबाट समेत डेटिङ कोर्स पढ्न पाउँछन् । त्यसका लागि मासिक करीब ३० डलर बराबरको रकम खर्च गर्नु पर्दछ ।
तर विद्यालयमै गएर डेटिङ शिक्षा पढ्नका लागि ४५ सय डलर सम्मको शुल्क तिर्नु पर्दछ । उक्त स्कुलमा २३ देखि ३३ वर्ष सम्मका विद्यार्थीहरुले मात्र भर्ना हुन पाउँदछन् ।
-एजेन्सी
