८ फागुन, काठमाडौं । पाकिस्तानस्थित नेपाली दूतावासले एक कार्यक्रमको आयोजना गरी ७१औं राष्ट्रिय प्रजातन्त्र दिवस मनाएको छ । कार्यक्रममा राष्ट्रपति विद्यादेवी भण्डारीले प्रजातन्त्र दिवसको अवसरमा दिएको शुभकामना सन्देश पढेर सुनाइएको थियो ।
कार्यक्रममा पाकिस्तानका लागि नेपाली राजदूत तापस अधिकारीले प्रजातन्त्र प्राप्तिका लागि बलिदान गर्ने शहीदको चर्चा गर्दै उनीहरुप्रति श्रद्धाञ्जली अर्पण गरे ।
देश र विदेशमा रहेका सबै नेपालीले प्रजातन्त्रको मर्मलाई आत्मसात गर्दै समतामूलक समाज निर्माणमा आ-आफ्नो क्षेत्रबाट योगदान गर्न संकल्प गर्नुपर्ने उनले बताए ।
कार्यक्रममा स्थानीय नेपाली समुदायको तर्फबाट डा. हरिकृष्ण बाँस्कोटाले शुभकामना व्यक्त गरे ।
