Comments Add Comment

भत्काइदै गोपीकृष्ण, सधैका लागि बन्द भयो जय नेपाल

कोरोना भाइरसका कारणले होस् या अन्य विभिन्न कारणले नै किन नहोस्, नेपालका केही प्रतिशत हलहरु सधैका लागि बन्द हुने अवस्थामा पुगेका छन् । मोफसलका सिंगल हलहरुको अवस्था कमजोर भएको र केही हलहरु बन्द भैसकेको चलचित्र संघले जनाएको छ ।

काठमाण्डौको सर्वाधिक दर्शकको चाप रहने गोपिकृष्ण मुभिजका ३ पर्दा रहेका भवन भत्काइएको छ । यो स्थानमा २५ तलाको मल बन्दैछ । जसमा, ३ वटा पर्दाको मल्टिप्लेक्स हल पनि संचालनमा आउनेछ । यसका लागि ३ बर्ष पर्खिनुपर्नेछ ।

यसैविच, काठमाण्डौको जय नेपाल हल भने सधैका लागि बन्द भएको छ । काठमाण्डौको हात्तीसारमा रहेको जय नेपाल हल सधैका लागि बन्द भएको हो । क्वेष्ट इन्टरटेन्मेन्टले जग्गा लिजमा लिएर यो हल २० बर्षदेखि संचालन गर्दै आएको थियो ।

क्वेष्टले लिजमा लिएको जग्गाको संझौता नविकरण गर्ने सोच गतबर्ष नै बनाएको थियो । क्वेष्ट इन्टरटेन्मेन्टका प्रमुख नकिम उद्दिनले अनलाइनखबरसँग भने–‘अब, हल मात्र चलाउन सकिने अवस्था छैन । सपिङ मल नभएको ठाउँमा हल चलाउन गाह्रो पनि पर्ने अवस्था आयो, अर्कोतिर हामीले लिजमा लिएको जग्गा नविकरण गर्ने सोच पनि बनाएनौ । यसैले, अहिले हलका सामानहरु पनि विक्री गरिरहेका छौं ।’ नकिमले विरगञ्जमा क्यूएफएक्स चेन अन्र्तगतको नयाँ हल खोल्ने तयारी गरिएको पनि जानकारी दिएका छन् ।

जय नेपालमा हलमा ४ सय भन्दा बढी सिट क्षमताको एकल पर्दा थियो । जसमा नेपाली र विदेशी चलचित्रले राम्रो व्यापार गरेका उदाहरण छन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment