१८ फागुन, काठमाडौं । प्लाइ तानसेन तथा एनजीजीसी को आयोजनामा आगामी चैत ११ गते देखि कीर्तिपुरमा ‘ब्ल्याक बक खुला क्लब क्रिकेट टि-२० प्रतियोगिता’ आयोजना हुने भएको छ । आयोजकले मंगलबार प्रत्रकार सम्मेलन गर्दै प्रतियोगिताको घोषणा गरेको हो ।
नकआउट फर्म्याटमा आयोजना हुने प्रतियोगितामा देशभरका विभिन्न शहरका करिब २० वटा टोलीले सहभागिता जनाउने प्रतियोगिता संयोजक सुमन डाँगीले जानकारी गराए ।
प्रतियोगिताको विजेता टोलिले ५० हजार रुपैयाँ, उप-विजेताले २५ हजार रुपैयाँ पाउनेछन् । यस्तै प्रतियोगिताकै उत्कृष्ट खेलाडीले १० हजार रुपैयाँ, उत्कृस्ट ब्याट्सम्यान र बलरले समान ५ हजार रुपयाँ तथा प्रत्येक खेलको प्लेयर अफ द म्याचले १ हजार रुपैयाँ प्राप्त गर्नेछन् ।
ब्ल्याक बक टुर्नामेन्टलाई बागमति प्रदेशकै बलियो क्रिकेट प्रतियोगिता बनाउने लक्ष्य रहेको आयोजकले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4