नायिका मनिषा कोइरालाले महाशिवरात्रीको अवसर पारेर ‘महामृत्युञ्जय मन्त्र’ सार्वजनिक गरेकी छिन् । महामृत्युञ्जयमा मनिषासँगै सुरेन्द्र श्रेष्ठ र सरस्वत्री खत्रीको स्वर छ । यसमा संकृत शब्दहरु छन् । राजीव श्रेष्ठको सितारा, प्रेम रानीको बाँसुरी र विकास सिंहको गितार यसमा सुन्न सकिन्छ ।
मानिस अस्वभाविक मृत्युबाट बच्न र राम्रो स्वास्थ्यका लागि यो मन्त्र तयार पारिएको मनिषाले बताइन् । उनले, पश्चिमी र पूर्वी संगीतमा यसलाई तयार पारेको बताइन् । यो मन्त्रको भिडियो निर्देशन तथा सम्पादन अनुप सापकोटाले गरेका हुन् ।
उज्ज्वल जोशी र जावेद खानको छायांकन रहेको यो भिडियोलाई पाशुपत क्षेत्र र पाटन दरबारमा खिचिएको छ ।
