Comments Add Comment

काठको पुल बनाउने क्रममा खसेर एकजनाको मृत्यु

१० चैत, काठमाडौं । मुगुको मुगम कमारोङ गाउँपालिका–५ सेरोकघाटमा काठको पुल बनाउने क्रममा खसेर एकजनाको मृत्यु भएको छ ।

काठको पुलबाट खसेर ३१ वर्षीय छिरिङ तन्दुप लामाको सोमबार दिउँसो मृत्यु भएको प्रहरीले जनाएको छ ।

सोही ठाउँस्थित कर्णाली नदीमा काठको पुल बनाउने क्रममा अचानक पुलबाट खसेको भन्ने खबर प्राप्त हुनासाथ प्रहरी चौकी डोल्फु र जिल्ला प्रहरी कार्यालयबाट खटिएको प्रहरीले उनको खोजी गर्ने क्रममा घटनास्थलदेखि २ सय मिटर टाढा शव फेला पारेको हो ।

यस सम्बन्धमा थप अनुसन्धान भइरहेको प्रहरीले जनाएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment