१५ चैत, वीरगञ्ज । होली पर्वको चहलपहल शुरू भइसक्दा आइतबार पर्सामा ६ जनामा कोरोना संक्रमण पुष्टि भएको छ। नारायणी अस्पतालको पिसिआर प्रयोगशालामा गरिएको परीक्षणका क्रममा ६ जनामा संक्रमण देखिएको हो ।
१९ जनाको थ्रोट स्वाब नमूना परिक्षण गर्दा ६ जनामा कोरोना संक्रमण पुष्टि भएको अस्पतालका कोभिड संयोजक डा. सरोज रोशन दासले जानकारी दिए ।
वीरगञ्ज महानगरपालिका वडा नम्बर ३ का २८ वर्षीय पुरुष, वडा नम्बर ६ का २२ वर्षीय पुरुष, वडा नम्बर १० का ६० वर्षीय पुरुष, वडा नम्बर १३ का २५ वर्षीय पुरुष, वडा नम्बर १४ का २५ वर्षीय पुरुष र वडा नम्बर २५ का ६० वर्षीय पुरुष रहेका छन् ।
थपिएका संक्रमितहरुको सिटी भ्यालु २२.१ देखि ३१ सम्म छ ।
