१९ चैत, काठमाडौँ । १९ चैत, काठमाडौँ । कथाकार लक्ष्मण अधिकारीको पहिलो साहित्यिक कृतिका रुपमा कथा सङ्ग्रह मर्फिन बजारमा आएको छ। एक्काइसवटा कथा सङ्ग्रहित यस कृतिका सबै कथाहरू स्वास्थ्य विषयसँग सम्बन्धित छन् ।
सम्भवतः नेपाली कथा साहित्यमा एउटै विषयमाथि लेखिएको सिङ्गो सङ्ग्रह यो नै पहिलो भएको दाबी कथाकारले गरेका छन्। सबै कथाहरू डाक्टर, नर्स, अस्पताल, विरामी, औषधिलगायत विषयका वरिपरी घुमेका छन् ।
स्वास्थ्य जगतका विकृति, विसंगति, कमजोरी, बदमासी, दुर्वल तथा सबल पक्षहरूलाई कथामा प्रस्तुत गरिएको छ। मञ्जरी प्रकाशनले बजारमा ल्याएको २२० पृष्ठको कथा संग्रह मर्फिनको मूल्य ३५० राखिएको छ ।
