बिमस्टेक देशका उच्च अधिकारीहरुको बैठक सम्पन्‍न

१८ चैत, काठमाडौँ । बिमस्टेक देशका उच्च अधिकारीहरुको बैठक बुधबार सम्पन्न भएको छ । भर्जुअल माध्यम मार्फत सम्पन्न सो बैठकमा नेपालको तर्फबाट परराष्ट्र सचिव भरतराज पौडेलको सहभागिता थियो ।

बिहिबार हुने परराष्ट्रमन्त्रीहरुको बैठकको तयारीको लागि सो वैठकको अयोजना गरिएको छ । सो बैठकमा बिमस्टेको शिखर सम्मेलनको मिति, बिमस्टेक स्वतन्त्र ब्यापार सम्झौता लगायतका विषयमा छलफल भएको अधिकारीहरुले बताएका छन् । बिमस्टेकको वर्तमान अध्यक्ष श्रीलंकाले सो वैठकको आयोजना गरेको हो ।