Comments Add Comment

बिमस्टेकको शिखर सम्मेलन अगष्ट महिनामा गर्न प्रस्ताव

२० चैत, काठमाडौं । बहुक्षेत्रीय प्राविधिक तथा आर्थिक सहयोगको लागि बंगालको खाडीको प्रयास (बिमस्टेक) को पाँचौं शिखर सम्मेलन अगष्ट महिनाभित्र गर्न आयोजक मुलुक श्रीलंकाले प्रस्ताव गरेको छ ।

बिहीबार भएको परराष्ट्रमन्त्रीहरुको बैठकमा श्रीलंकाले सो प्रस्ताव गरेको समाचार स्रोतले बतायो । अगष्ट महिनाभित्र गर्नेमा सबै मुलुक सहमत भएपनि मिति भने आपसी परामर्शको आधारमा तय गरिने बताइएको छ ।

कोरोनाको महामारी कम भएमा भौतिक रुपमा नै गरिने र नियन्त्रणमा नआएमा भर्चुअल माध्यममार्फत भएपनि गर्ने विषयमा छलफल अगाडि बढेको समाचार स्रोतको दावी छ ।

अब हुने शिखर सम्मेलनले बिमस्टेकको बडापत्रलाई अनुमोदन गर्ने सहमति परराष्ट्रमन्त्रीहरुको बीचमा सहमति भएको छ । स्थापना भएको २४ बर्षपछि बिमस्टेकले बडापत्र तयार पारेको छ । यसबाहेक अन्य तीन विषयमा हस्ताक्षरको सहमति भएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment