Comments Add Comment

आस्था खन्नाः जो फिल्ममा ‘यौन दृश्य निर्देशन गर्छिन्’

हलिउडकी नायिका स्यारोन स्टोनले हालै प्रकाशित पुस्तकमा सन् १९९२ मा चलचित्र ‘बेसिक इन्स्टिङ्ट’को विवादस्पद एक दृश्या आफूलाई भित्री बस्त्र फुकाल्न छल गरिएको उल्लेख गरेकी छिन् । तर, यस्तो अवस्था आउन नदिन पनि सकिन्थ्यो ?

भारतकी पहिलो र एक मात्र प्रमाणपत्र प्राप्त गरेकी ‘अन्तरंग संयोजक’ आस्था खन्ना यस्तो अवस्था आउन नदिन सकिने बताउँछिन् । उनले भनिन्–‘म त्यहाँ भएको भए उनलाई छालाको रंगको भित्री बस्त्र लगाउन दिन्थेँ ।’

‘बेसिक इस्टिङ्टन’को छायांकनको समयमा कलाकारलाई नग्न वा यौन दृश्यको छायांकनको बेला सहजीकरण गर्ने ‘अन्तरंग संयोजक’को बिषयमा त कुनै कुरा नै भएको थिएन । तर, सन् २०१७ मा विश्व बजारमा ‘मिटू’ अभियानले चलचित्र क्षेत्रमा हुने यौन उत्पीडनको घटनालाई उजागर गरेको थियो । यसपछि भने अन्तरंग संयोजकको माग बढेको छ ।

सन् २०१८ मा एचबीओले पहिलो पटक ‘अन्तरंग संयोजक’ राखेपछि नेटफ्ल्क्सि र अमेजनले पनि यसै गरेका थिए । अहिले भारतीय चलचित्र उद्योगमा पनि अन्तरंग संयोजक राख्ने चलन बढेको छ ।

आस्थाका अनुसार, अन्तरंग संयोजकले निर्देशक र कलाकारविचको पुलको कार्य गर्छन् ।

वीवीसीसँगको कुराकानीमा आस्थाले भनेकी छिन्–‘मेरो काम कुनै पनि कलाकार उत्पीडनमा पर्न नपरोस् भनेर निश्चित गर्ने र निर्माताको पनि सुरक्षा गर्ने हो ताकी कोही पनि कलाकारले केही बर्षपछि आफूलाई नराम्रो अनुभव भएको भन्न नसकुन् ।’

कलाकारहरुसँग आस्था खन्नाले सहमती र सीमाको कुरा गर्छिन् र छायांकनको समयमा बस्त्र र सामानहरुको व्यवस्था गर्छिन् । उनको झोलामा यौनांग बचाउने समान, बक्षस्थल छोप्ने सामान, टेपहरु र यौन दृश्यमा कलाकारहका यौनांगहरु छुन नदिने डुनोट तकिया हुन्छ ।

हालै मात्र, नेटफ्ल्क्सिका लागि इलाइट श्रृङ्खलामा अभिनय सुरु गरेकी कलाकार अञ्जली सिभारन खन्नाको उपस्थितीले आफूलाई सहज महशुश भएको बताउँछिन् । उनले भनिन्–‘मेरो बारेमा सोच्ने कोही छ भनेर मलाई सहज लाग्छ ।’

उनले भनिन्–‘मैले मेरा पुरुष कलाकारसँग कहिल्यै नगरेको यौनको दृश्य गर्नुपर्ने थियो । भित्री बस्त्रहरु मात्रै लगाएकाले पनि म नग्न झै महशुश गरिरहेकी थिएँ र डराएकी थिएँ । अपरिचित अभिनेताले चुम्बन गर्ने कुराले मलाई तनाव दिएको थियो । मैले निर्देशकलाई यो कुरा भन्न सकिरहेको थिइनँ । तर, आस्थाले सबै सहज बनाइदिइन् । मेरा कुरा निर्देशकलाई भनिन् र चुम्बनको दृश्य हट्यो । यौनको दृश्यमा उनले हामीविच डुनोट तकिया राखिदिन्, जसले हाम्रो यौनांगले एक अर्कालाई छोएन । अलि अनौठो थियो र उनी त्यहाँ भएकोमा म खुशी थिएँ ।’

तर, सबै चलचित्रको सेटमा आफूलाई अनुवन्धित गर्न निर्माताले नमान्ने आस्थाको भनाई छ । उनले भनिन्–‘अन्तरंग संयोजक राख्नु भनेको थप खर्च हो । तर, यो भन्दा ठूलो कुरा भनेको कलाकारहरुले मलाई विश्वास गर्दैनन् र निर्देशक तथा निर्माताले आफ्नो काममा अड्चन आउने सोच राख्छन् ।’

आस्था अगाडि भन्छिन्–‘एक निर्देशकले मलाई आफूले सबै कलाकारलाई राम्रोसँग चिनेको र उनीहरुको परिवारको स्विकृती लिएको बताउँदै मेरो आवश्यकता नपर्ने बताए । तर, उनले मलाई छायांकन स्थलमा रोक्न सकेनन् । मलाई वितरकले पनि राख्न सुझाव दिएको र निर्माताले पनि काम दिएका थिए । उनले मलाई छायांकन स्थलमा त लगे तर छायांकन अवधीभर गाडीमा नै राखे ।’

आस्थाले चलचित्रमा एक्सनको दृश्य हुँदा द्धन्द्ध निर्देशक चाहिए जस्तै यौनको दृश्य हुँदा आफू चाहिने बताइन् ।

वीवीसी नेपालीको सहयोगमा

यो खबर पढेर तपाईलाई कस्तो महसुस भयो ?

ट्रेन्डिङ

Advertisment