१८ वैशाख, हेटौंडा । हेटौंडामा भएको सवारी दुर्घटनामा एकजनाको मृत्यु भएको छ । पूर्व–पश्चिम राजमार्गअन्तर्गत हेटौंडा उपमहानगरपालिका–९ पशुपतिनगरमा भएको दुर्घटनामा बाराको महागढीमाई नगरपालिका–४ का ३५ वर्षीय सञ्जयकुमार शुक्लाको मृत्यु भएको प्रहरीले जनाएको छ ।
पथलैया–हेटौंडा सडकखण्डको रातोमाटेबाट हेटौंडातर्फ आउँदै गरेको ना ३८ प ९३६१ नम्बरको मोटरसाइकललाई रातोमाटेतर्फ जाँदै गरेको बा ८ च २९५३ नम्बरको कारले ठक्कर दिंदा घाइते भएका शुक्लाको उपचारको क्रममा हेटौंडाको चुरेहिल अस्पतालमा मृत्यु भएको प्रहरीले जनाएको छ ।
दुर्घटनामा मोटरसाइकलको पछाडि सवार नवलपरासी पूर्वको कावासोती नगरपालिकाकी ३३ वर्षीया ज्योति अर्याल घाइते भएकी छन् । उनको अवस्थामा सामान्य रहेको जिल्ला प्रहरी कार्यालय मकवानपुरले जनाएको छ ।
दुर्घटनापछि फरार भएका कार चालकको खोजी भइरहेको छ भने कार प्रहरीको नियन्त्रणमा रहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4