कोरोना भाइरस महामारीबाट आक्रान्त भइरहेको यो समयमा सामाजिक दूरीको पालना गर्नैपर्ने बाध्यताले कहिलेकाहीँ ठूलै समस्या सिर्जना गर्दो रहेछ। छिमेकी मुलुक भारतमा एउटा बिहे समारोहमा यस्तै भएको छ ।
भारतीय प्रहरीका एक अधिकारी दिपांशु काब्राले ट्वीटरमा अपलोड गरेको उक्त भिडियो अहिले भाइरल बनेको छ । जहाँ बिहेको मण्डपमा स्वयंवरको माला एक अर्काको गलामा लगाइदिनका लागि बेहुला बेहुली दुबैले बाँसको लठ्ठीको सहारा लिएका छन् ।
#कोरोना में शादियां सफलतापूर्वक संपन्न कराने के लिए इवेंट मैनेजर्स को क्या क्या जुगाड़ू समाधान निकालना पड़ता है…. 😅😅 pic.twitter.com/2WOc9ld0rU
— Dipanshu Kabra (@ipskabra) May 2, 2021
बेहुला र बेहुली दुबैले अनुहारमा मास्क पनि लगाएका छन् र माला लगाउने क्रममा पर्याप्त सामाजिक दूरी पनि कायम गरेका देखिन्छन् ।
समाचार अनुसार गत अप्रिल ३० मा बिहारको बेगुसराय जिल्लामा भएको एक विवाह समारोहको वास्तविक भिडियो हो त्यो ।
सामाजिक सञ्जालमा निकै चर्चित बनेको उक्त भिडियोमा अनेक खालका प्रतिक्रिया हरु आएका छन् । कतिपयले रमाइलो मानेका छन् भने कतिपयले चाहीँ यस्तो तरिकाले बिहे गर्नुको साटो तत्कालका लागि बिहे नै स्थगित गरेको भए हुन्थ्यो भन्ने टिप्पणी गरेका छन् ।
कतिपयले चाहीँ स्वयंवर गर्दा नछोइएका बेहुला बेहुली बिहेपछि सुहागरातमा के गरेहोलान् ? भनेर जिज्ञासा राखेका छन् ।
टाइम्सनाउबाट
