बलिउड कलाकार सोनु सुदले पहिलो लकडाउनदेखि नै प्रवासी मजदुरहरुलाई सहयोग गरिरहेका छन् । यतिमात्र होइन, भारतमा कोरोनाको दोश्रो लहरले ठूलो समस्या पनि निम्त्याएको छ । यस्तो अवस्थामा पनि, नायक सोनु सुदले भने निरन्तर काम गरिरहेका छन् ।
सोनुले फ्रान्सबाट अक्सिन प्लान्ट ल्याउने तयारी समेत थालेका छन् । सोनुको यस किसिमको कामलाई देखेर धेरै मानिसहरुले सामाजिक संजालमा उनलाई प्रधानमन्त्रीका लागि चुनाव लड्न पनि आग्रह गरेका छन् ।
हालैमात्र आफ्नो घर अगाडि उपस्थित भएका फोटोग्राफरहरुलाई पानी पिलाउँदै सोनुले प्रधानमन्त्रीको बिषयमा उठेको प्रश्नको जवाफ दिएका छन् । सोनुले भने–‘म आम मानिस नै ठिक छु । आम मानिस हुनु नै राम्रो छ । चुनाव लडेर मात्र के गर्नु । यो मेरो काम नै होइन ।’
सोनुले आम मानिस भएर नै काम गर्ने इच्छा व्यक्त गरेका छन् ।
