२९ वैशाख, काठमाडौं । बीपी कोइराला स्वास्थ्य विज्ञान प्रतिष्ठान धरानमा थप एक जना कोरोना संक्रमितको मृत्यु भएको छ ।
सुनसरीको बराहक्षेत्र नगरपालिका–५ की ८२ वर्षीया महिलाको बुधबार बिहान साढे ६ बजे मृत्यु भएको प्रतिष्ठानका सह–प्रवक्ता डा. चूडामणि पोखरेलले जानकारी दिए ।
वैशाख १२ गते कोरोना संक्रमण पुष्टि भएर होम आइसोलेसनमा बसिरहेकी ती बृद्धा स्वास्थ्यमा समस्या भएपछि १७ गते प्रतिष्ठानको कोभिड अस्पतालमा भर्ना भएकी थिइन् । उनमा दीर्घरोग पनि रहेको प्रतिष्ठानले जनाएको छ ।
