३ जेठ, काठमाडौं । वीपी प्रतिष्ठान धरानमा थप दुईजनाको मृत्यु भएको छ ।
त्रियुगा नगरपालिका-३ उदयपुरकी ५० वर्षीया महिलाको सोमबार बिहान ६:३० बजे मृत्यु भएको छ । वैशाख २७ गते उनलाई कोरोना पोजिटिभ देखिएपछि वैशाख २८ गते वीपी प्रतिष्ठान धरानमा भर्ना गरिएको थियो ।
यस्तै सुरुङगा १, सुनसरीकी ७० वर्षीया महिलाको उपचारको क्रममा सोमबार विहान ७: ४५ बजे मृत्यु भएको अस्पतालले जनाएको छ ।
वैशाख ३१ गते कोरोना संक्रमण पुष्टि भएपछि उनलाई जेठ १ गते वीपी प्रतिष्ठानमा भर्ना गरिएको थियो । उनी उच्च रक्तचाप र मधुमेहको विरामी थिइन् ।