वीपी प्रतिष्ठान धरानमा थप दुईजना संक्रमितको मृत्‍यु

५ जेठ, काठमाडौँ । वीपी प्रतिष्ठान धरानमा उपचाररत थप दुईजना कोरोना संक्रमितको मृत्‍यु भएको छ ।

बेलबारी-९ मोरङका ६५ वर्षीया महिलाको मंगलबार साँझ ६: ३० बजे मृत्‍यु भएको छ । उनलाई जेठ २ गते कोरोना संक्रमण देखिएपछि जेठ ३ गते भर्ना गरिएको थियो ।

यस्तै सुन्दरहरैचा-१० मोरङका ७२ वर्षीय पुरूषको मंगलबार साँझ ५:५० बजे मृत्‍यु भएको छ ।

उनलाई वैशाख १० गते कोरोना संक्रमण देखिएपछि वैशाख ११ गते वीपी प्रतिष्ठान धरानमा भर्ना गरिएको थियो ।