२१ असार, काठमाडौं । मनसुनका कारण परेको अविरल वषर्ाले सडक मार्ग अवरुद्ध भएको भन्दै हवाई उडान थप गर्न व्यवसायीले सरकारसँग माग गरेका छन् । अहिले राष्ट्रिय राजमार्गहरु अवरुद्ध हुँदा निषेधाज्ञा खुलेपनि हजारौं यात्रुको यात्रा राकिएको छ ।
अर्कोतर्फ सरकारले हवाई उडान भने ५० प्रतिशत मात्र हुने गरि तोकेको छ । अहिले तोकिएको ५० प्रतिशत उडान संख्याले यात्रु उद्धार गर्न कठिनाई हुने भन्दै वायुसेवा संचालकले उडान संख्या बढाउन सरकारको ध्यानाकर्षण गराएका हुन् ।
वायुसेवा संचालक संघ नेपाल आयोनका अध्यक्ष क्या. रामेश्वर थापाले पर्यटन मन्त्री लिलानाथ श्रेष्ठलाई पत्र लेख्दै आहृवान गरेका छन् ।
उडान संख्या घट्ने बित्तिकै निषेधाज्ञा अगाडीको सस्तो हवाई भाडा वायु सेवा कम्पनीहरुले धान्नै नसकिने भन्दै उडान संख्या कम हुनासाथ हवाई भाडा समेत सस्तो हुने उनको भनाइ छ । निषेधाज्ञा अगाडी झण्डै दैनिक १५ हजार हवाई यात्रुहरुले ओहोर दोहर गरेका थिए ।
यसो हुनुको मुख्य कारण सस्तो हवाई भाडादर र अधिक हवाई उडान भएको व्यवसायीको भनाइ छ ।
हवाई उडानबाट संक्रमण नफैलिने अन्तर्राष्ट्रिय अध्ययनहरुले पुष्टि गरेको दावि गर्दै व्यवसायीले वायुसेवा कम्पनी संक्रमणरहित हवाई यात्राका लागि अन्तर्राष्ट्रिय मापदण्ड तथा सरकारद्वारा निर्देशित निर्देशिका कडिकडाउका साथ पालना गरेको समेत बताएका छन् ।
