२८ असार, काठमाडौं । नेपाली कांग्रेसका नेता प्रकाशमान सिंहले सर्वोच्च अदालतको फैसलाले विधिको शासनको जित भएको बताएका छन् ।
सर्वोच्चको फैसलासँगै प्रधानमन्त्री केपी शर्मा ओलीको अधिनायकवादी शासनको पराजय भएको उनको प्रतिक्रिया छ । ‘आज फेरि विधिको शासनको जित भएको छ । अधिनायकवाद विरुद्ध नेपाली जनताको जित भएको छ । सर्वसत्तावाद पराजित भएको छ,’ पूर्वमहामन्त्री सिंहले भने ।
सोमबार सर्वोच्चले संसद विघटन बदर गर्दै कांग्रेस सभापति शेरबहादुर देउवालाई प्रधानमन्त्री नियुक्त गर्न आदेश दिएको हो ।
