+
+

माधव नेपाललाई २२ सांसदको सुझाव : अलमलमा नबसौं, वारपार गरौं

अनलाइनखबर अनलाइनखबर
२०७८ साउन १३ गते १८:४८

१३ साउन, काठमाडौं । नेकपा एमालेका वरिष्ठ नेता माधवकुमार नेपाललाई उनीपक्षीय सांसदहरुले धेरै अलमलमा नबस्न सुझाव दिएका छन् । प्रधानमन्त्री शेरबहादुर देउवालाई विश्वासको मत दिएका २२ सांसदहरुसँग बुधबार नेता नेपालले छलफल गरेका थिए ।

त्यस क्रममा सांसदहरुले अब धेरै अलमलमा बस्न नहुने सुझाव दिएका छन् । ‘वारपार गरौं । धेरै अलमल गरेर हुँदैन भन्ने हाम्रो कुरा हो’, सांसद पावर्ती बिशुंखेले भनिन् । पार्टी एकता गरेपनि र नगरेपनि चाँडो टुंग्याउन सुझाव दिएको उनले बताइन् ।

सकेसम्म पार्टी एकतालाई प्राथमिकतामा राख्न सुझाव दिएको अर्का सांसद भवानी खापुङले बताए । ‘पार्टी एकता हुन्छ वा हुन्न भन्ने कुरा अध्यक्ष केपी शर्मा ओलीमै भर पर्छ । तर एकता अगाडि हाम्रो शर्त पूरा हुनुपर्छ भन्नेमा एकमत भयौं’, उनले भने ।

सांसदहरुको सुझाव सुनेपछि नेता नेपालले भने अरु नेताहरुसँग पनि कुरा गरेर निर्णय लिने बताए । ‘केन्द्रीय कमिटीमा पनि यसबारे छलफल हुन्छ । सवैको सुझाव सुनिरहेको छु’, नेता नेपालले भने ।

सहभागी सांसदहरुका अनुसार, माधव नेपालले एकता वा विभाजनबारे ठोस कुरा केही पनि राखेनन् । ‘छलफल चलिरहेको छ । तपाईंहरुको सुझाव मानेरै अगाडि बढ्छु भन्नुभएको छ’, सांसद खापुङले भने । नेता नेपालले आफू निकट स्थायी कमिटी, जनसंगठन, सांसद सहित नेताहरु अलगअलग छलफल गरिरहेका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?