+
+

अमेरिका–चीन सम्बन्धमा सुधार नआए शीतयुद्धको जोखिम : राष्ट्रसंघ

अनलाइनखबर अनलाइनखबर
२०७८ असोज ४ गते १३:४४
Photo Credit : AP

४ असोज, काठमाडौं । संयुक्त राष्ट्रसंघका महासचिव एनटोनियो गुटेरसले अमेरिका र चीनले आपसी सम्बन्ध सुधार गर्नुपर्ने बताएका छन् । शीतयुद्धको चेतावनी दिँदै उनले अहिले यी दुई मुलुकको सम्बन्ध अस्तव्यस्त रहेको बताएका छन् । अन्तर्राष्ट्रिय समाचार एजेन्सी एपीसँगको कुराकानीमा गुटेरसले यी दुई मुलुकको सम्बन्धमा देखिएको तनावको असर अन्य मुलुकमा फैलिनबाट रोक्न पनि उनीहरुले सम्बन्ध सुधार गर्नुपर्ने बताएका हुन् ।

यसै साता विश्वका नेताहरुले राष्ट्रसंघको वार्षिक सभामा कोरोना भाइरस, जलवायु सम्बन्धी चिन्ताजस्ता धेरै विषयमा छलफल गर्नेछन् । गुटेरसले विश्वका प्रमुख दुई ठूलो अर्थतन्त्र बोकेका मुलुकबीच जलवायु परिवर्तनको विषयमा सहयोग आदानप्रदान हुनुपर्ने बताएका छन् । उनले मानवाधिकार, अर्थतन्त्र, अनलाइन सुरक्षा र दक्षिण चीन सागरजस्ता विवादास्पद विषयमा दुवै मुलुकले सशक्तरुपमा वार्ता गर्नुपर्ने बताएका छन् ।

राष्ट्रसंघका महासचिव गुटेरसले भने, ‘दुर्भाग्यवश अहिले दुई मुलुकबीच केवल तनाव देखिएको छ । हामीले दुवै मुलुकको सम्बन्ध पुनः सामान्य अवस्थामा ल्याउनुपर्छ । खोप अभियान, जलवायु परिवर्तन र अन्य धेरै विश्वव्यापी चुनौतीको सामना गर्न पनि यो आवश्यक छ ।’

एजेन्सीहरुको सहयोगमा

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?