कांग्रेसको काठमाडौं महानगर समितिको मतगणना शुरु

१७ असोज, काठमाडौं । नेपाली कांग्रेसको काठमाडौं महानगरपालिका समितिको नेतृत्व चयनका लागि भएको निर्वाचनको मतगणना शुरु भएको छ ।

शनिबार उद्घाटन गरिएको काठमाडौं महानगरको अधिवेशनमा आइतबार मतदान भएको हो । बिहान ९ बजेदेखि दुई बजेसम्म मतदानका लागि समय तोकिएको थियो । निर्वाचनमा १३३९ मत खसेको निर्वाचन समितिले जनाएको छ ।

काठमाडौं महानगरपालिकाको कांग्रेस सभापतिका लागि प्रगतिमान रञ्जित र नीलकाजी शाक्यले उम्मेदवारी दिएका छन् । रञ्जित र शाक्य दुबैले प्यानल बनाएरै चुनावी प्रतिस्पर्धामा उत्रिएका हुन् ।

रञ्जित संस्थापन समूहक उम्मेदवार हुन् भने शाक्यलाई वरिष्ठ नेता रामचन्द्र पौडेल समूहको समर्थन छ ।