+
+

विश्वकप छनोटमा इंग्ल्याण्ड ५-० ले विजयी 

अनलाइनखबर अनलाइनखबर
२०७८ असोज २४ गते १०:००

२४ असोज, काठमाडौं । सन् २०२० मा कतारमा हुने फिफा विश्वकप अन्तर्गत युरोपियन छनोटमा इंग्ल्यान्डले फराकिलो जित हात पारेको छ । गएराति भएको समूह आई को खेलमा इंग्ल्यान्डले एन्डोरालाई ५-० ले पराजित गरेको हो ।

इंग्ल्यान्डको जितमा पाँच फरक गोलकर्ता रहे । बेन चिलवेलले १७औं, बुकायो साकाले ४०औं, टमी एब्राहिमले ५९औं,जेम्स वार्ड प्रोवसले ७९ र ज्याक ग्रेलिसले ८६औं मिनेटमा गोल गरे ।

समूह चरणमा छेटौं जितपछि इंग्ल्याण्ड विश्वकपमा छनोट हुने सम्भावना बलियो बनेको छ ।

७ खेलबाट १९ अंक जोडेको इंग्ल्यान्ड समूहको शीर्ष स्थानमा छ । एन्डोरा ३ अंकसहित पाँचौं स्थानमा छ ।

यसै समूहको अर्को खेलमा पोल्याण्डले सान मारियनोलाई पनि ५-० ले नै पराजित गरेको छ । पोल्याण्ड ७ खेलबाट १४ अंकसहित तेस्रो स्थानमा छ ।

अर्को खेलमा हंगेरीलाई १-० ले पराजित गरेको अल्बानिया १५ अंक जोडेर दोस्रो स्थानमा छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment