भीमफेदीमा ट्याक्सी खस्दा एकको मृत्यु, दुई जना घाइते

२३ कात्तिक, मकवानपुर । मकवानपुरको भीमफेदी गाउँपालिकाको जुरीखेतमा काठमाडौंबाट हेटौंडा आइरहेको ट्याक्सी खस्दा एकजनाको ज्यान गएको छ ।

ना २ ज २९६८ नम्बर ट्याक्सी सडक बाट १ सय मिटर तल खसी दुर्घटना हुँदा पर्सा जिल्लाकी ३५ वर्षीया शिव जानकी चौधरीको मृत्यु भएको प्रहरीले जनाएको छ ।

दुर्घटनामा चालकसहित दुई जना घाइते भएका छन् । घाइते हुनेमा पर्सा जिल्लाका ४० वर्षीय चालक सुरेन्द्र महतो गम्भीर घाइते छन् भने ट्याक्सीमा सवार सर्लाही जिल्ला भएका ४१ वर्षीय रामचन्द्र शाह सामान्‍य घाइते भएका छन् ।

महतोको काठमाडौंमा उपचार भइरहेको छ भने शाह डिस्चार्ज भएको प्रहरीले जनाएको छ ।