नेपालको वायुसेवा क्षेत्रलाई कालो सूचीबाट हटाउन ईयूसँग पर्यटनमन्त्रीको आग्रह 

७ मंसिर, काठमाडौं । संस्कृति, पर्यटन तथा नागरिक उड्डयनमन्त्री प्रेमबहादुर आलेले नेपाली नागरिक उड्डयन क्षेत्रलाई कालो सूचीबाट हटाउन अनुरोध गरेका छन् ।

युरोपेली संघको एसिया तथा प्रशान्त क्षेत्रका लागि युरोपेली बाह्य मामिला सेवाका नायब प्रबन्ध निर्देशक पाओला पम्पालोनीसँग मंगलबार मन्त्रालयमा भएको भेटमा मन्त्री आलेले युरोपियन युनियनले नेपालको वायुसेवा क्षेत्रलाई कालो सूचीमा राखेकाले हटाउन आग्रह गरेका हुन् ।

जवाफमा निर्देशक पाम्पोलोनीले कालो सूचीबाट हटाउने विषयमा युरोपियन युनियन सकारात्मक रहेको बताए ।

छलफलमा दुईपक्षीय सहयोगका विभिन्न कुराकानी भएको मन्त्री आलेको सचिवालयले जनाएको छ ।

नेपाल–सघ संयुक्त आयोगको तेह्रौं बैठकमा भाग लिन तीन सदस्यीय प्रतिनिधिमण्डलको नेतृत्व गर्दै गत शनिबारदेखि टोली काठमाडौंमा छ ।