एमालेमा नयाँ प्रस्ताव : केन्द्रीय कमिटी ३०१ सदस्यीय, पोलिटब्यूरो राख्ने

१० मंसिर, चितवन । नेकपा एमालेका नेताहरुबीच केन्द्रीय कमिटीको आकार बढाउने समझदारी भएको छ । अध्यक्ष केपी शर्मा ओली निकट नेताहरुबीच भएको छलफलमा २२५ सदस्यीय केन्द्रीय कमिटीलाई बढाएर ३०१ बनाउने सहमति भएको हो ।

साथै पोलिटब्यूरो पनि राख्ने सहमति भएको छ । पदाधिकारी संख्या बढाउने कि नबढाउने भन्ने टुंगो लागेको छैन । यसबारे छलफल चलिरकेको एक नेताले जानकारी दिए ।

नयाँ नेतृत्व चयनका लागि शुक्रबारदेखि दशौं महाधिवेशनमा जुटेको एमालेको वर्तमान केन्द्रीय कमिटीको अन्तिम बैठक अहिले केहीबेरमा सौराहमा बस्दैछ । यो बैठकमा नेताहरुबीच भएको सहमतिअनुसार विधान संशोधनको प्रस्ताव आउने स्रोतले बताएको छ ।