उपमहासचिव पदमा दावी छाडेको छैन : विन्दा पाण्डे

११ मंसिर, काठमाडौं । नेकपा एमालेकी नेतृ विन्दा पाण्डेले आफूले उपमहासचिव पदमा उम्मेदवारी दिने बताएकी छन् । सहमतिका लागि प्रयास भइरहेको भनिए पनि आफूले उपमहासचिवमा दावी नछाडेको उनले बताइन् ।

‘सहमतिको नाममा जे जे प्रचार भइरहेको छ । त्यसमा सहमति भएको छैन’ उनले अनलाइनखबरसँग भनिन्, ‘मैले उपमहासचिव पदको दावी छोडेको छैन ।’

शुक्रबार बसेको केन्द्रीय समितिको बैठकले उपमहासचिव पदको संख्या १ बाट थपेर ३ बनाएको छ । पद थपे पनि वा नथपे पनि उपमहासचिवमा आफ्नो दावी रहेको नेतृ पाण्डेको भनाइ छ ।

उपमहासचिव पदमा वर्तमान केन्द्रीय समितिका सचिव गोकर्ण विष्ट, प्रदीप ज्ञवाली, पृथ्वी सुब्बा गुरुङ, स्थायी कमिटी सदस्य विष्णु रिमाल लगायतले पनि दावी गरेका छन् ।