+
+

‘ओमिक्रोनका कारण धेरै नआत्तिनुस्, खोपले गम्भीर संक्रमणबाट बचाउँछ’

अनलाइनखबर अनलाइनखबर
२०७८ मंसिर १५ गते ११:११

१५ मंसिर, काठमाडौं । खोप निर्माता कम्पनी बायोइन्टेकका प्रमुख कार्यकारी अधिकृतले नयाँ कोभिड भेरियन्टका कारण धेरै नआत्तिन आग्रह गरेका छन् ।

बायोइन्टेकका प्रमुख कार्यकारी अधिकृत (सीईओ) उगुर सहिनले एक अन्तर्वार्तामा नयाँ ओमिक्रोन भेरियन्टका कारण धेरै नआत्तिन आग्रह गरेका हुन् । ‘धेरै नआत्तिनु होला, योजना यथावत छ , तेस्रो बुस्टर डोजलाई तीब्रता दिनुहोस्’, वाल स्ट्रिट जर्नलसँगको अन्तर्वार्तामा सहिनले भने, ‘हालका लागि हाम्रो सन्देश यही हो ।’

बायोइन्टेकका सह-संस्थापक र कोभिड खोप आविष्कार समेत गरेका सहिनले खोप लगाएका मानिसलाई ओमिक्रोनले संक्रमण गर्न सक्ने संभावना भए पनि खोप लगाएका मानिसहरू गम्भीर संक्रमणबाट सुरक्षित हुने समेत बताए ।

ओमिक्रोनको उत्परिवर्तन उच्च भएका कारण खोप लगाएपछि विकास हुने एन्टिबडीलाई यसले छल्न सक्ने तर संक्रमणविरुद्ध ‘टी-सेल’ले प्रदान गर्ने सुरक्षा छल्ने संभावना कम रहेको सहिनको भनाइ थियो ।

‘ओमिक्रोनविरुद्ध खोपले काम गर्ने हाम्रो विश्वास विज्ञानमा आधारित छ’, सहिनले भने, ‘यदि भाइरसले इम्युनिटी छल्ने क्षमता विकास गर्‍यो भने एन्टिबडीलाई मात्रै छल्न सक्छ र गम्भीर रोगबाट बचाउने इम्युनिटिको दोस्रो तह अर्थात् टी-सेल पनि हाम्रो शरीरमा हुन्छ ।’

सहिनले अन्तर्वार्ताका क्रममा ओमिक्रोनलाई लक्षित गरी बनाइने परिमार्जित खोप बजारमा आउन सय दिन लाग्ने तर त्यस्तो खोप आवश्यक नपर्न सक्ने पनि बताए ।
हिजो मात्रै मोडेर्नाका सीईओ स्टेफाने बान्सेलले ओमिक्रोनविरुद्ध विद्यमान खोप कम प्रभावकारी हुने बताएका थिए । बान्सेलको उक्त अभिव्यक्तिपछि युरोप र एसियाका बजारमा हलचल मच्चिएको थियो ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?