जब डेरी कम्पनीले महिलालाई गाईसँग तुलना गर्‍यो !

१ पुस, काठमाडौं। चाहे समाज जतिसुकै विकसित किन नहोस् समाजमा महिलालाई हेप्ने मनस्थितिमा परिवर्तन आएको छैन । यसको पछिल्लो उदाहरण दक्षिण कोरिया बनेको छ ।

दक्षिण कोरियाको सबैभन्दा ठूलो डेरी कम्पनीमाथि महिलाहरुको अपमान गरेको आरोप लागेको छ । डेरी कम्पनीले आफ्नो एक कम्पनीमा महिलाहरुको तुलना गाईसँग गरेको थियो। उक्त विज्ञापन प्रशारण भएसँगै सोसल मिडियामा बबाल मच्चियो । विवाद बढ्दै गएसँगै कम्पनीले आफ्नो विज्ञापनका लागि माफी मागेको छ ।

मिडिया रिपोर्ट अनुसार सिओल मिल्क नामक सबैभन्दा ठूलो दक्षिण कोरियाली डेरी कम्पनीले आफ्नो एक विज्ञापनमा महिलाको तुलना गाईसँग गरेको थियो । २७ सेकेण्डको उक्त विज्ञापनमा एकजना पुरुष जंगलमा शुटिंग गरिरहेका छन् । त्यहाँ एक जलधाराबाट महिलाहरुले पानी पिइरहेका छन् र लुकिछिपी उक्त दृश्यलाई खिचिएको छ।

जब उक्त मान्छे ती महिलाहरुको नजिक पुग्दछ तब महिलाहरु एक्कासी गाई बन्दछन् । विज्ञापनमा भनिएको छ, ‘स्वच्छ पानी, जैविका चारा, शत प्रतिशत शुद्ध सिओल दुध । चोंगजांगको सुन्दर प्रकृतिमा एक जैविक खेतबाट उत्पादिन जैविक दुध ।’

विज्ञापनमा सुरुमा स्वच्छ पानी, हरिया पातपतिंगर तथा प्राकृतिक वातावरणमा देखिएका महिलाहरु पुरुष पुग्ने बित्तिकै गाईमा परिणत भएको देखाइएको छ । त्यस्तो दृश्यकै कारण डेरी कम्पनीमाथि महिलाहरुलाई गाईसँग तुलना गरेको भन्दै व्यापक आलोचना भएको छ । विवाद र आलोचना बढेसँगै सिओल मिल्क कम्पनीले माफी माग्दै विज्ञापन हटाएको छ ।

गत नोभेम्बर २९ मा कम्पनीको आधिकारिक युट्युब च्यानलमा अपलोड भएको उक्त विज्ञापनको भिडियो व्यापक विरोधपछि कम्पनीले हटाएको छ । एजेन्सीहरुको सहयोगमा