‘ढकियामे नागरिकता’ नाटक माघ १ गतेदेखि शिल्पी थिएटरमा

१२ पुस, काठमाडौं । नागरिकताविहीनको समस्यामा आधारित नाटक ‘ढकियामे नागरिकता’  माघ १ गतेदेखि काठमाडौंको शिल्पी थिएटरमा प्रदर्शन हुने भएको छ । नाटककी लेखक तथा निर्देशक सरिता साहका अनुसार नाटक १० गतेसम्म प्रदर्शन हुनेछ ।

राज्यले नागरिकताजस्तो संवेदनशील विषयलाई नजरअन्दाज गर्दा लाखौं नागरिकहरु अनागरिक हुनु परेको विषयलाई नाटकमार्फत  प्रस्तुत भएको उनले बताइन् ।

नाटकमा कलाकारहरु सरिता साह (महोत्तरी), अनिल कुर्मी (नवलपरासी), सुजिता साह (महोत्तरी), राज शर्मा पंगेनी (नवलपरासी), आदित्य मिश्रा (रौतहट), हाङ ओ राई (भोजपुर), रमिता यादव (सिरहा), सञ्जय मुडियारी (मोरङ), सुदीपजंग कार्की (मोरङ), सुदीप पटेल (धनुषा), सुस्मिता पोखरेल (सुनसरी) र प्रिन्स साहको अभिनय रहेको छ ।