+
+

प्रदीपसँग फेरि काम गर्न चाहन्छिन् पूजा

अनलाइनखबर अनलाइनखबर
२०७८ पुष १४ गते १२:१६

१४ पुस, काठमाडौं । अभिनेता प्रदीप खड्का र अभिनेत्री पूजा शर्मा अहिले चर्चामा रहेका कलाकार हुन् । यी दुईले चलचित्र ‘प्रेमगीत’मा एकसाथ काम गरेका थिए । यो चलचित्रले दुवैलाई चलचित्र क्षेत्रमा स्टार बनायो ।

‘प्रेमगीत’ रिलिज हुनुअघिसम्म प्रदीप र पूजा दुवैको करिअर सुखद् थिएन । तर, यो चलचित्रमा काम गरेपछि यी दुवै कलाकार स्थापित भए । ‘प्रेमगीत’को प्रदर्शनपछि प्रदीप र पूजाबीच मनमुटावको खबर समेत सार्वजनिक भयो ।

यसपछि यी दुईले एकसाथ काम गरेका छैनन् । दर्शकले प्रेम र गीतको जोडीलाई एकसाथ पर्दामा हेर्न त चाहेका छन्, तर त्यो अहिलेसम्म जुरेको छैन ।

पूजाले आफू प्रदीपसँग काम गर्न तयार भएको बताएकी छन् । उनले भनिन्, ‘प्रदीप त मेरो बेष्ट हुन् । उनीसँग काम गर्न त म सधैं तयार छु ।’ यो जोडीलाई लिएर चलचित्र बनाउन निर्माताहरु पनि उत्सुक छन् । तर, अझै पनि कुनै निर्माताले प्रेम र गीतको जोडीलाई एकसाथ ल्याउन सकेका छैनन् ।

‘प्रेमगीत’को तेस्रो सिरिज समेत तयार भएर रिलिजको संघारमा छ । तर, प्रदीप लगातार यो चलचित्रको सिरिजमा देखिएपनि पूजा भने देखिएकी छैनन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?