बसपार्क सामूहिक बलात्कार : थप एक जना पक्राउ

सामूहिक बलात्कार प्रकरणमा पक्राउ परेकाहरू

१४ पुस, काठमाडौं । नयाँ बसपार्कमा भएको सामूहिक बलात्कार प्रकरणमा थप एक जना पक्राउ परेका छन् । योसँगै प्रकरणमा पक्राउ पर्नेको संख्या ९ पुगेको छ ।

काठमाडौं प्रहरी परिसर, टेकुका एसएसपी सुदीप गिरीले ललितपुरबाट थप एक जनालाई बुधबार पक्राउ गरिएको अनलाइनखबरलाई बताए । उनका अनुसार योसँगै प्रकरणमा संलग्न सबै जना पक्राउ परेका छन् ।

मंगलबार अपरान्ह महानगरीय प्रहरी प्रभाग, बसपार्कमा ३३ वर्षीया महिलाले आफूमाथि सामूहिक बलात्कार भएको भन्दै उजुरी दिएकी थिइन् । उनको उजुरीमाथि अनुसन्धानका क्रममा बुधबार बिहानसम्म ८ जना पक्राउ परेका थिए ।

‘साँझ थप एक जना पक्राउ गरेर प्रारम्भिक अनुसन्धान थालिएको छ’ एसएसपी गिरीले अनलाइनखबरसँग भने । पीडित महिलाको मंगलबारै प्रसूति गृहमा स्वास्थ्य जाँच गरिसकिएको छ । प्रहरीका अनुसार उनको अवस्था सामान्य छ ।

प्रहरी नियन्त्रणमा रहेका व्यक्तिहरुको नामावली

मुगु जिल्ला छायानाथ रारा नगरपालिका वडा नं १० घर भई वर्ष २३को हिक्मत नेपाली,
मुगु जिल्ला छायानाथ रारा नगरपालिका वडा नं १० घर भई वर्ष २२ को रतन नेपाली,
मुगु जिल्ला छायानाथ रारा नगरपालिका वडा नं ६ घर भई वर्ष २१ सुरेश सेज्वाल,
मुगु जिल्ला छायानाथ रारा नगरपालिका वडा नं १० का वर्ष १९ को दीपक नेपाली
मुगु जिल्ला छायानाथ रारा नगरपालिका वडा नं १० घर भई वर्ष २३को शिवहरि बुढा,
मुगु जिल्ला छायानाथ रारा नगरपालिका वडा नं १० घर भई वर्ष २४ को युवराज बुढुवाल
अर्घाखाँची जिल्ला सितगंगा नगरपालिका वडा नं १२ घर बताउने जिल्ला कपिलवस्तु बुद्धभूमि बस्ने वर्ष ४३ को गोपाल कुमार शिरिष ।
मुगु जिल्ला छायानाथ रारा नगरपालिका वडा नं १० बस्ने वर्ष २५/२६ को हस्त नेपाली (१४ गते बिहान पक्राउ गरेको)
मुगु जिल्ला छायानाथ रारा नगरपालिका वडा नं ११ झाकोट घर भई वर्ष २४ को चन्द्र साउद (१४ गते दिउँसो पक्राउ गरेको)