वार्षिकोत्सवको अवसरमा ग्लोबल आईएमई बैंकद्वारा रक्तदान कार्यक्रम, १८७ लिटर रगत संकलन

काठमाडौं । ग्लोबल आईएमई बैंकले आफ्नो १५औं वार्षिकोत्सवको अवसरमा देशव्यापी रूपमा रक्तदान कार्यक्रमको आयोजना गरेको छ ।

बैंकले सातवटै प्रदेशका शाखा कार्यालयहरुमा रक्तदान कार्यक्रमको आयोजना गरेको हो । देशभर ४१६ रक्तदाताहरूबाट १८७ लिटर रगत संकलन भएको बै‌ंकले जनाएको छ ।

बैंकका अनुसार मोरङको तीनपैनी, सिरहाको लाहान, काठमाडौंको कान्तिपथ, कास्कीको पोखरास्थित न्यूरोड शाखा, रुपन्देहीको बुटवलस्थित मिलनचोक, सुर्खेतको विरेन्द्रचोक र धनगढीको चटकपुरमा रक्तदान कार्यक्रम आयोजना गरेको हो ।