सानिमा बैंकको शाखा कावासोती, बर्दिबास र अत्तरियामा

काठमाडौं । सानिमा बैंक लिमिटेडले नवलपुरको कावासोती, महोत्तरीको बर्दिबास र कैलालीको अत्तरियामा शाखा विस्तार गरेको छ ।

कावासोती नगरपालिका–८ मा स्थापना गरिएको शाखाको उद्घाटन नगरप्रमुख चन्द्रकुमारी पुन, बर्दिबास नगरपालिका–१ मा सञ्चालित शाखाको उद्घाटन नगरप्रमुख बिदुरकुमार कार्की र गोदावरी नगरपालिका–१, अत्तरियामा सञ्चालित शाखाको उद्घाटन नगरप्रमुख हरि सिंह साउदले गरेका थिए ।

कार्यक्रममा तीनै स्थानीय तहका नगरप्रमुखहरुले बैंकको शाखा विस्तार भएकोमा बैंकलाई धन्यवाद दिँदै सर्वसाधरण नागरिकले सहज रुपमा बैंकिङ सेवा पाउने विश्वास व्यक्त गरेका थिए ।