१९ माघ, काठमाडौं । कलाकार प्रशान्त ताम्राकार छायांकन भइरहेको चलचित्र ‘लाखे’मा मुख्य खलपात्रको रुपमा भित्रिएका छन् । हरि मल्ल ठकुरी कार्यकारी निर्माता रहेको यो चलचित्रमा यसअघि खलपात्रको रुपमा कलाकार सुनिल थापा अनुबन्धित भएका थिए ।
तर सुनिलले बलिउड चलचित्रमा काम गर्ने तयारी गरेपछि ‘लाखे’मा समय दिन नभ्याएका हुन् । थापाको सहमतिमै प्रशान्तलाई चलचित्रमा अनुबन्धित गरिएको निर्माणपक्षले बताएको छ । चलचित्रमा सम्राट बस्नेतको निर्देशन छ । यो चलचित्रमा अनुपविक्रम शाही, आर्यन अधिकारी, अर्पण थापा, सुशील सिटौला, वर्षा राउत, रोहित रुम्बा लगायतका कलाकारको मुख्य भूमिका छ । यो चलचित्रको छायांकन काठमाडौंका विभिन्न स्थानमा भइरहेको छ ।
ग्लोबल मिडिया एण्ड रिसर्च सेन्टर तथा औरियन प्रोडक्सनको ब्यानरमा निर्माण भइरहेको चलचित्रका निर्माता सिजन अर्याल हुन् । कथा समेत निर्माता अर्यालकै रहेको चलचित्रमा गणेश मल्ल ठकुरी प्रस्तुतकर्ता रहेका छन् ।
प्रतिक्रिया 4