‘पर्ख पर्ख मायालु’ जोडी पुष्प र शिल्पाको ‘माया गर्न मन छ’

गजलकार चन्द्र प्रसाई ‘परिष्कृत’ को नयाँ रोमान्टिक गीत ‘माया गर्न मन छ’ सार्वजनिक गरिएको छ । प्रविन बेडवालको स्वर रहेको गीतमा अर्जुन पोखरेलले संगीत दिएका छन् । गीतमा संगीत संयोजन फणीन्द्र राईको छ ।

यो गीतको भिडियोमा अभिनेता पुष्प खड्का र अभिनेत्री शिल्पा पोखरेलको अभिनय देख्न सकिन्छ । पुष्प र शिल्पाको जोेडीले अभिनय गरेको चलचित्र ‘मंगलम’मा समावेश ‘पर्ख पर्ख मायालु’ बोेलको गीत सुपरहिट भएको थियो ।

देवेन्द्र पाण्डेको निर्देशन रहेको भिडियोका निर्माता तेजी प्रसाई हुन् । भिडियोमा हरि हुमागाँईको छायांकन र विकाश दाहलको सम्पादन छ ।