६७ दिनपछि बागमती प्रदेश सभाको बैठक बस्दै

४ फागुन, काठमाडौं । बागमती प्रदेश सभाको बैठक ६७ दिनपछि बस्ने भएको छ ।

गत पुस ८ गते प्रमुख प्रतिपक्ष दल नेकपा एमालेको अवरुद्धपछि फागुन १६ गते प्रदेश सभाको बैठक बस्ने तय भएको प्रदेश सभाका सचिव कृष्णहरी खड्काले जानकारी दिए ।

सभामुख सानुकुमार श्रेष्ठले बुधबार सर्वदलिय वैठक बोलाएर प्रदेशसभाको बैठक राख्ने विषयमा सहमति गरेका हुन् ।

संसद अवरोध गरिरहेको प्रमुख प्रतिपक्ष दल नेकपा एमालेको तर्फबाट पुर्वमुख्यमन्त्रीद्वय अष्टलक्ष्मी शाक्य र डोरमणि पौडेल  बुधबारको सर्वदलीय बैठकमा सहभागी भएका थिए ।

बैठकले फागुन १५ गते पुनः सर्वदलीय बैठक राख्ने र १६ गते प्रदेशसभाको बैठक बोलाउने विषयमा सहमति भएको सचिव खड्काले जानकारी दिए ।