करिब ८ लाख बराबरको सुनसहित पक्राउ

१६ फागुन, काठमाडौं । त्रिभुवन अन्तर्राष्ट्रिय विमानस्थलबाट करिब ८ लाख रुपैयाँ बराबरको सुनसहित एक युवकलाई विमानस्थल सुरक्षा कार्यालयको टोलीले पक्राउ गरेको छ ।

कतारको दोहाबाट आइतबार काठमाडौं आएका मौवावेल्ही-४ का ३६ वर्षीय सोकात अलीलाई प्रहरीले अवैध सुन लुकाइ छिपाइ ल्याएको आरोपमा पक्राउ गरेको हो ।

साथै उनको साथबाट अवैध रुपमा ल्याइएको ७ लाख ९८ हजार ९६३ रुपैयाँ बराबरको ९४.९ ग्राम सुनको दुईथान ब्रासलेटसमेत बरामद गरिएको अन्तर्राष्ट्रिय विमानस्थल सुरक्षा कार्यालयका प्रवक्ता तथा प्रहरी उपरीक्षक हिमालयकुमार श्रेष्ठले जानकारी दिए ।

अन्तराष्ट्रिय विमानस्थल सुरक्षा कार्यालयका प्रवक्ता श्रेष्ठका अनुसार उनलाई आवश्यक अनुसन्धान एवं कारबाहीको लागि सोमबार त्रिभुवन विमानस्थल भन्सार कार्यालय, गौचरणमा बुझाइएको छ ।